منتدى الاستاذ احمد الصعيدي
مرحبا بك عزيزي………
كم أتمنى أن تتسع صفحات منتدياتنا لقلمك
وما يحمله من عبير مشاعرك ومواضيعك وآرائك الشخصية
التي سنشاركك الطرح والإبداع فيها
مع خالص دعواي لك بقضاء وقت ممتع ومفيد

منتدى الاستاذ احمد الصعيدي

تعليمى-افلام عربية- افلام اجنبية-اسلاميات- قرءان كريم - برامج- العاب- اغانى- كليبات- دروس وخطب
 
الرئيسيةاليوميةالبوابةس .و .جالأعضاءالتسجيلدخول

شاطر | 
 

 طريقة تتبيلة للفراخ او اللحم المشوى

اذهب الى الأسفل 
كاتب الموضوعرسالة
reham awad



عدد المساهمات : 98
السٌّمعَة : 0
تاريخ التسجيل : 15/10/2010

مُساهمةموضوع: طريقة تتبيلة للفراخ او اللحم المشوى   الثلاثاء نوفمبر 23, 2010 4:58 pm

السلام عليكم ورخمة الله وبركاته


دى طريقتى فى تتبيلة الفراخ المشويه بعد تجارب عديده وتفحيص وتمحيص فى جميع الوصفات
اخيييييييييييييرااااااااااااااااااا

[size=12]نبتدى بسم الله
دى مقادير تتبيله فرخه واحده متوسطه الحجم
بصله كبيره مقطعه
واحده طماطم كبيره مقطعه
قرن فلفل اخضر كبير مقطع
3 فصوص ثوم
ربع كبايه خل
2 ليمونه متوسطه او واحده كبيره بنزهير " هانقطعه ونستعمله بقشره"
فلفل احمر حااااااااار
"حسب الرغبه"
معلقتين كبار زيت
معلقه كبيرة كاتشب
ملح - فلفل - كمون - كسبره ناشفه - قرفه - بهارات مشكله
الطريقه :
نجيب الفرخه الحلوه الكلبوظه وطبعا بعد ماتتغسل كوبس اوى بالدقيق والخل والملح نقطعها 4 قطع او 6 على حسب الرغبه
نغرز السكينه فيها كده عشان نعمل شقوق صغيره تخليها تشرب التتبيله
نحط بقى كللللللللللللللللللللللل مقادير التتبيله دى فى الكبه بتاعة البصل ونفرمهم مع بعض كويس اوىىىىى لحد ماتبقى سايله.
نصفى التتبيله دى كويس بالمصفاه ونعصرها بايدينا لحد ماتنزل كللللل السائل اللى فيها
وبعدين نصب الخلطه على الفراخ ونقلبها فيها كويس عشان الفراخ تتشربها
تتبلى الفراخ قبل الشوي بيوم وبعدين لما تييجى تشويها على الفحم صفيها الاول من التتبيله ودوقى احلى فراخ مشويه عالفحم وبالهنا والشفا


لو عايزه تشويها فى الفرن
تجيبى صينيه وتقطعى فيها شرايح بطاطس وشرايح بصل وطماطم وفلفل اخضر وترصى الفراخ عليهم بحيث ان الخضار يحمى الفراخ من الصينيه
ودخليها الفرن " مش على الشبكه على ارضية الفرن عادى " وتكونى مسخنه الفرن قبلها وتحطيها على نار هاديه لمدة ساعه ونص او لحد ماتحسى انها استوت بيكون وشها اتحمر لوحده ممن غير ماتشغلى الشوايه
ولو احتاجت تحطى شويه ميه فى الصينيه لو حسيتى ان الخضار هاتلزق اوى حطى بس شويه بسيط
ولما تطلع تعملى لها فحمه سخنه عالنار وتصبى عليها شويه زيت وتغطيها بسرعه هاتاخد نكهة المشوى
بهاراتى المسكله اللى باعملها فى البيت عباره عن : عيدان قرفه - حبهان حب - ورق لورا - زر ورد - قرنفل حب - كبابه صينى حب - جوزة الطيب
تطحينيهم كلهم مع بعض وتعينيهم فى برطمان وتستخدميهم فى الشوربه او تتبيل
الرجوع الى أعلى الصفحة اذهب الى الأسفل
 
طريقة تتبيلة للفراخ او اللحم المشوى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الاستاذ احمد الصعيدي :: قسم حواء :: قسم المطبخ والاكلات-
انتقل الى: